Compaxina a súa actividade como arquitecta con traballos de deseño gráfico e ilustración en distintos ámbitos. Cartelería, deseño e ilustración editorial, sinaléctica e identidade corporativa son algún deles.

No transcurso dos seus anos tivo como clientes institucións (concellos, centros de ensino,asociacións culturais…), empresas de xestión de patrimonio, editoriais e profesionais de distintos tipos. Máis nos últimos anos tamén desenrolou varios proxectos artísticos propios, como Mulleres Valentes, Mulleres Imaxinadas, Térrea, Compañeiras ou O mundo na cabeza.

Na súa traxectoria como ilustradora e deseñadora, Rosa foi definindo unha liña estética propia e recoñocible. Nos seus deseños procura múltiples significados baixo unha apariencia de sinxeleza. Busca a expresividade a través do trazo, de paletas concisas de cores, das figuras humanas (case sempre mulleres) e dos elementos naturais que incorpora nos súas ilustracións, ou por medio do simbolismo das figuras e situacións que representa.